Россияда 5 ноябрь тонгига кўра, коронавирус билан касалланиш билан боғлиқ 19 404 та ҳолат қайд этилди, деб хабар бермоқда Meduza коронавирусга қарши курашиш штабига таяниб. Бундан бир кун аввал рекорд даражада касалланиш — 19 768 та ҳолат аниқланганди.
Сутка давомида энг кўп касалланганлар Москва (+5255), Санкт-Петербург (+1093) ва Москва вилоятида (+588) қайд этилган. Россияда коронавирусга чалинганларнинг умумий сони 1 712 858 кишига етди.
Сутка давомида инфекциядан 292 киши, эпидемия бошланганидан буён эса 29 509 киши вафот этган. Соғайганлар сони 1 279 169 нафарни ташкил этмоқда, шулардан 12 238 нафари сўнгги бир кеча-кундузда тузалиб чиққан.
Мамлакатда коронавирусни аниқлаш бўйича сўнгги 24 соат давомида 570 мингта, умумий ҳисобда эса 63 миллиондан ортиқ тест ўтказилган.
Аввалроқ дунёда коронавирус оқибатида юз берган ўлимлар сони бир кеча-кундузда 9763 тани ташкил этгани ҳақида хабар берилган эди.
Изоҳ (0)