Namanganda hokimlarning xotin-qizlar masalalari bo‘yicha maslahatchilari va shahar-tuman hokimliklari axborot xizmatlari rahbarlariga xizmat avtomobillari topshirildi. Bu haqda “Daryo” muxbiri Azizbek Abduvaliyev xabar bermoqda.
Xotin-qizlar masalalari bo‘yicha maslahatchilarga Nexia-3, axborot xizmati rahbarlariga esa Spark mashinalari taqdim etildi.
“Bu ikki tizim oldiga bugungi kunda nihoyatda dolzarb masalalar qo‘yilgan. Xotin-qizlar bo‘yicha maslahatchilar belgilangan vazifalar, xususan, ayollar daftarini to‘laqonli shakllantirishga alohida e’tibor qaratishlari, axborot xizmatlari esa hududlarda ro‘y berayotgan voqea-yangiliklarni tezkorlik bilan yoritib borishlari, jurnalist va blogerlar bilan hamkorlikni uzviy yo‘lga qo‘yishlari zarur”, — dedi tadbirda ishtirok etgan viloyat hokimi Shavkatjon Abdurazzoqov.
Ma’lumot uchun, Namanganda hokimliklar axborot xizmati rahbarlari maoshiga ustama mablag‘lari to‘lash yo‘lga qo‘yildi. Yil oxiriga qadar ularga qo‘shimcha shtat birliklari ajratish va zamonaviy foto-video uskunalar bilan ta’minlash rejalashtirilmoqda.
Izoh (0)