O‘zbekistonda Koronavirusga qarshi kurash shtabi a’zosi Barno Abdusamatova 31-oktabr kuni AOKAda o‘tkazilgan brifingda koronavirusdan davolangan bemorlarda hid va ta’m bilish qachon qaytishi haqidagi savolga javob berib o‘tdi.
Ta’m va hid bilish qachon qaytishi borasidagi savolga aniq javob yo‘q. Barchasi juda individual. COVID-19’da virus asab tizimi, jumladan, hid va ta’mga javob beradigan qismlariga ham zarar yetkazishi mumkin. Ayrim bemorlarda ushbu sezgilar sog‘ayganlaridan so‘ng juda tez tiklanadi, biroq boshqalarida bir necha oyga cho‘zilmoqda.Bundan tashqari, mutaxassis bir qator bemorlar yoqimsiz hidlarni sezish yoki sog‘aygandan keyin har xil noodatiy ta’mlarni sezish kabilardan shikoyat qilishayotganini bildirgan.Barno Abdusamatova, Koronavirusga qarshi kurash shtabi a’zosi
“Biroz sabr qilib, zararlangan asab tolalarining tiklanishini kutish lozim”, — deydi Abdusamatova.
Eslatib o‘tamiz, avvalroq Koronavirusga qarshi kurashish shtabining yana bir a’zosi Nargiza Nurullayeva koronavirusning eng ko‘p uchraydigan belgilarini foizlar nisbatida ma’lum qilgan, virusning boshqa shamollash va o‘tkir respirator kasalliklardan farqli bo‘lgan jihatlari va erta paydo bo‘ladigan alomati haqida aytgan edi.
Mavzuga doir:
- Koronavirusning ilk alomatlari kuzatilayotgan bemorlarga bosqichma-bosqich ko‘rsatma
- Koronavirusga chalingan insonda qancha vaqtgacha kasallikning yuqish xavfi saqlanib qoladi?
- Koronavirusni shamollash va grippdan qanday farqlash mumkin?
- Koronavirus, ORVI va grippning oldini olish uchun oddiy, ammo hamma bilishi kerak bo‘lgan 11 tavsiya
- Inson koronavirusni boshdan kechirib, buni o‘zi sezmay qolishi mumkinmi?
Izoh (0)