“O‘zbekneftgaz” AJga qarashli yoqilg‘i quyish shoxobchalarida 1-noyabrdan boshlab import dizel yoqilg‘isining narxi 6500 so‘mdan 6000 so‘mga arzonlashtiriladi, deya xabar bermoqda kompaniya axborot xizmati.
Kompaniya neft mahsulotlarining narxini bosqichma-bosqich arzonlashtirmoqda. Jumladan, 1-noyabrdan boshlab import dizel yoqilg‘isining narxi 6000 so‘mdan sotila boshlaydi.
“Biz doimiy ravishda aholiga sotilayotgan mahsulot narxini muntazam o‘rganib, tahlil qilib boramiz. Agarda mahsulot tannarxi pasaysa, uni sotish narxini, albatta, kamaytirish zarur, deb hisoblaymiz. Bundan keyin ham bu amaliyot davom ettiriladi”, – deydi UNG Petro korxonasi direktori Mirzohid Musayev.
Qayd etilishicha, avtomobillarga yoqilg‘i quyish shoxobchalarida sotilayotgan mahsulot turlari, ularning narxlari hamda joylashgan manzillari haqida to‘liq va aniq ma’lumotlarni @UNGPetroBot Telegram kanali orqali olish mumkin.
“O‘zbekneftgaz” Ai-92 markali benzin narxini 15-sentabrdan boshlab arzonlashtirgani haqida xabar berilgandi.
Izoh (0)