Apple kompaniyasi xuddi Google kabi o‘zining qidiruv tizimini yaratish ustida ishlarni boshladi, deb yozadi Financial Times.
Nashrning yozishicha, iOS 14 operatsion tizimi o‘rnatilgan iPhone egalari hozirda qidiruv oynasi orqali so‘rov yuborsa, Apple Google o‘rniga o‘z natijalarini ko‘rsatmoqda. Shuningdek, qidiruv tizimi so‘rovlarni avtomatik ravishda to‘ldirish funksiyasiga ham ega.
The New York Times’ning yozishicha, Apple o‘zining barcha qurilmalari va servislarida qidiruv tizimi sifatida Google turishi uchun har yili 8-12 milliard dollar olib kelgan. Bu Google’ning yillik eng katta to‘lovi bo‘lib, u Apple’ning yillik daromadining 14-21 foizini tashkil etadi.
AQSh Adliya vazirligi Apple hamda Google’ning kelishuviga e’tibor qaratib, qidiruv tizimi bozorining monopollashtirilishiga yo‘l qo‘ymaslikka qaror qilgan. Suddan qochish uchun Apple o‘zining qidiruv texnologiyasini yaratmoqda — hozirda qidiruv tizimining sobiq rahbari Jon Jannandrea ishga kirishgan, 2018-yilning aprelidan kompaniya saytida qidiruv tizimi dasturchilari uchun muntazam bo‘sh ish o‘rinlari paydo bo‘lib qolmoqda.
Eslatib o‘tamiz, 2020-yilning fevralida “Yandeks” O‘zbekiston Monopoliyaga qarshi kurashish qo‘mitasiga Google ustidan shikoyat qilgan edi. “Yandeks” vakillari tomonidan Google korporatsiyasi “vijdonsiz amaliyot” bilan shug‘ullanishda ayblangandi.
Izoh (0)