Xiaomi kompaniyasi Mi Community rasmiy birlashmasida foydalanuvchilar o‘rtasida turli funksiyalar bo‘yicha so‘rov o‘tkazmoqda. So‘rovdagi funksiyalar Xiaomi, Redmi va Poco smartfonlarida foydalaniladigan MIUI operatsion tizimiga o‘rnatilishi mumkin, deb xabar beradi IXBT.
Ushbu funksiyalarning barchasi dastlab foydalanuvchilarning o‘zlari tomonidan so‘ralgan. Ayni vaqtda to‘rtta funksiyaga ovoz berish taklif etilmoqda:
- Finger Sensor Sleep. Barmoq izi skaneriga teginilganda nafaqat ekranni yoqish, balki uni o‘chirish ham;
- Video yozib olish. Redmi Note 9 modeli 60 k/s 1080 yoki 30 k/s 2K sifatli videoni yozib ololmaydi, Redmi Note 8 esa buni uddalay oladi. Shu sababli Note 9’ga 4K va 2K sifatli videolarni yozib olish funksiyasini qo‘shish;
- “Sog‘liq” dasturi uchun ko‘proq funksiya. Masalan, suv, kofein ichish, shuningdek, ko‘proq mashg‘ulotlar rejimi;
- Super Bluetooth. Bleutooth 5 funksiyasi yordamida ovozni ikki yoki undan ortiq qurilmaga uzatish.
Izoh (0)