Xitoyning TCL kompaniyasi 6,7 dyuymga ekranini 4,5 dyuymga qadar kichraytirish mumkin bo‘lgan smartfon prototipini namoyish etdi. Buning uchun displey qurilma yuqori qismga o‘raladi, natijada korpus o‘lchami kichikroq joyni egallaydi, deb xabar beradi Hi-Tech.Mail.ru.
Shu bilan birga, kompaniya ushbu texnologiyaning boshqa variantini — rulon shaklida deyarli to‘liq o‘raladigan 17 dyuymli planshetni ham namoyish etgan.
Ushbu ikkala prototip Samsung Galaxy Z Flip va Z Fold 2 yig‘ma smartfonlarini yodga soladi, rulonli displeyga ega qurilma katta diagonalda ham yanada ixchamroq bo‘lishi mumkin.
TCL bu kabi prototipni bir yildan buyon namoyish etib kelmoqda va bu kabi texnologiyani sotuvga chiqarish-chiqarmasligi noma’lum.
Eslatib o‘tamiz, shu yilning iyul oyida LG “rulon-smartfon” tayyorlayotgani, qurilma ekrani korpusdan tortib chiqarilishi to‘g‘risida xabar berilgandi.
Izoh (0)