Apple компанияси Google қидирув тизимининг муқобилини яратмоқда

Apple компанияси худди Google каби ўзининг қидирув тизимини яратиш устида ишларни бошлади, деб ёзади Financial Times.

Нашрнинг ёзишича, iOS 14 операцион тизими ўрнатилган iPhone эгалари ҳозирда қидирув ойнаси орқали сўров юборса, Apple Google ўрнига ўз натижаларини кўрсатмоқда. Шунингдек, қидирув тизими сўровларни автоматик равишда тўлдириш функциясига ҳам эга.

The New York Times’нинг ёзишича, Apple ўзининг барча қурилмалари ва сервисларида қидирув тизими сифатида Google туриши учун ҳар йили 8-12 миллиард доллар олиб келган. Бу Google’нинг йиллик энг катта тўлови бўлиб, у Apple’нинг йиллик даромадининг 14-21 фоизини ташкил этади.

АҚШ Адлия вазирлиги Apple ҳамда Google’нинг келишувига эътибор қаратиб, қидирув тизими бозорининг монополлаштирилишига йўл қўймасликка қарор қилган. Суддан қочиш учун Apple ўзининг қидирув технологиясини яратмоқда — ҳозирда қидирув тизимининг собиқ раҳбари Жон Жаннандреа ишга киришган, 2018 йилнинг апрелидан компания сайтида қидирув тизими дастурчилари учун мунтазам бўш иш ўринлари пайдо бўлиб қолмоқда.

Эслатиб ўтамиз, 2020 йилнинг февралида «Яндекс» Ўзбекистон Монополияга қарши курашиш қўмитасига Google устидан шикоят қилган эди. «Яндекс» вакиллари томонидан Google корпорацияси «виждонсиз амалиёт» билан шуғулланишда айбланганди.