Rossiyada yerdan, havodan yoki kosmosdan yuborilgan lazer nurlaridan energiya olishga qodir kvadrokopter yaratildi. Qurilmaning imkoniyatlari haqida Federal sanoat mulki instituti tomonidan tarqatilgan patentda so‘z boradi, deb yozadi “Korrespondent.net”.
“Yerga, havo yoki kosmik stansiya boshqaruviga joylashtirilgan lazer nurlarini generatsiya qilish tizimining elektromagnit nurlari shakllanish va kuzatish tizimlari orqali belgilangan parametrlar orqali lazer tutamini hosil qiladi hamda qidiruv, kuzatuv, yo‘naltiruv tizimi orqali kvadrokopter korpusiga yuboriladi”, — deyiladi Energiya raketa-kosmoks korporatsiyasi tomonidan olingan patentda.
Lazer nurlari tutami fotoelektr o‘zgartirgichga yo‘nalib, fotoelementlardan o‘tadi va chiqish jarayonida fotoelektr tokiga aylanadi. O‘z navbatida u elektromotorlar uchun zarur bo‘lgan, vintlarni harakatga keltiruvchi o‘zgaruvchan tokka aylanadi.
“Kvadrokopterning parvozi vaqtida lazer nurining elektromagnit energiyasini elektrga aylantirishi bilan bir vaqtda issiqlik almashinuvi jarayoni ham sodir bo‘ladi”, — deyiladi hujjatda. Natijada issiqlikning bir qismi havoga tarqalsa, bir qismi korpusning yuqori yuzasi bo‘ylab taqsimlanadi. Shu orqali havo haroratining plastinalar bo‘ylab ancha teng taqsimlanishi ta’minlanadi.
Kvadrokopterdan kunning istalgan vaqtida foydalanish mumkin. Undan katta tezlikdagi parvozlar talab qilinmaydigan, biroq tadqiqot obyekti ustida uzoq vaqt kuzatish kerak bo‘ladigan vaziyatlarda foydalansa bo‘ladi.
Izoh (0)