App Store do‘konidagi mobil dastur va servislar narxi oshdi

Apple kompaniyasi App Store do‘konidagi mobil dasturlar va servislar narxini oshirdi, deb xabar beradi Hi-Tech.Mail.ru.

Apple dasturchilari saytida narxlar oshgani to‘g‘risida e’lon paydo bo‘lgan — bunga soliq tizimidagi yoki alohida mamlakatdagi valyuta kursi o‘zgarishi sabab bo‘lmoqda. Aftidan, Rossiyada bu rubl narxning pasayishi bilan bog‘liq.

Narxlar qay tartibda o‘zgargan (oldin / keyin):

• 75 rubl / 99 rubl;
• 149 rubl / 179 rubl;
• 229 rubl / 279  rubl;
• 299 rubl / 379 rubl;
• 379  rubl / 449 rubl.

Taqqoslash uchun, 99 rubl 1 AQSh dollarga teng. Mazkur o‘zgarish obunaga ega barcha mobil dastur va servislarga tegishli, biroq dasturchilar uchun hamon boshqa narxlar mavjud — minimal 15 rubl. Foydalanuvchilar uchun faol obuna narxi o‘zgarmagan.

Ushbu o‘zgarish aynan qaysi sanadan kuchga kirishi noma’lum. Apple yaqin kunlar ichida yangi qoidalarni joriy etadi, narxlarni esa keyinroq dasturchilarning o‘zlari moslashtirib oladi.