Andijon viloyati Baliqchi tumanida 26-oktabr kuni “Volga” avtomobilining kanalga tushib ketishi oqibatida mashina salonida bo‘lgan 32 yoshli erkak vafot etdi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 26-oktabr soat 15:30 atrofida Baliqchi tumani “Yurtobod” MFY hududidan oqib o‘tuvchi Katta Andijon kanali yoqalab “Volga” avtomobilida ketayotgan haydovchi Murot Esmatov boshqaruvni yo‘qotgan va suvga tushib ketgan. Mashina salonida haydovchining mahalladoshi Ilhom Ergashev ham bo‘lgan.
1991-yilda tug‘ilgan haydovchi kanalga tushib ketgan mashinadan chiqishga muvaffaq bo‘lgan, biroq uning 1988-yilda tug‘ilgan mahalladoshi suvda qolib ketishi oqibatida vafot etgan.
Ayni paytda mazkur holat bo‘yicha tergov harakatlari olib borilmoqda.
Mavzuga doir:
- Surxondaryoda kanalga tushib ketgan Nexia-3’da yong‘in chiqdi. Hodisa oqibatida bir oilaning to‘rt a’zosi halok bo‘ldi
- Namanganda “Jiguli” ariqqa tushib ketishi oqibatida haydovchi halok bo‘ldi
- Samarqandda Epica kanalga tushib ketdi. Uning haydovchisi tezkor tibbiy yordam ko‘rsatilganiga qaramay, vafot etdi
- Farg‘onada Damas boshqaruvni yo‘qotib, kanalga tushib ketdi
Izoh (0)