Pedagog va taniqli tarjimon, filologiya fanlari doktori, professor Muhammadjon Xolbekov 70 yoshida vafot etdi. Bu haqda “Sof.uz” xabar berdi.
Muhammadjon Xolbekov 1950-yilda Samarqandda tug‘ilgan. U Samarqand davlat universitetining roman-german filologiyasi fakultetini tamomlagan.
Muhammadjon Xolbekov Samarqand davlat pedagogika institutida, Samarqand davlat universitetida kafedra mudiri, fakultet dekani, filologiya yo‘nalishi bo‘yicha himoya kengashi a’zosi bo‘lib ishlagan. U 1982-yilda nomzodlik, 1989-yilda doktorlik dissertatsiyasini yoqlagan. 1999—2005-yillarda Samarqand davlat chet tillar instituti fransuz filologiyasi fakulteti dekani va kafedra mudiri lavozimlarida faoliyat ko‘rsatgan.
Professor 2006-yildan Jizzax davlat pedagogika institutida, O‘zbekiston jahon tillari universiteti, Jizzax davlat pedagogika instituti, Qarshi davlat universiteti va Samarqand davlat chet tillar institutida yosh tadqiqotchilarga rahbarlik qilgan.
Muhammadjon Xolbekovning fransuz adabiyotidan qilgan o‘nlab tarjimalari nashr etilgan. Uning “O‘zbek adabiyoti Fransiyada”, “Amir Temurning Yevropa qirollari bilan yozishmalari”, “Uilyam Shekspir”, “XX asr modern adabiyoti manzaralari” kabi risolalari nashr etilgan.
Mavzuga doir:
- O‘zbekistonda xizmat ko‘rsatgan jurnalist Ikrom O‘tbosarov 72 yoshida vafot etdi
- “Dilmurod patir” nomi bilan mashhur bo‘lgan namanganlik Murodjon Siddiqov 63 yoshida vafot etdi
- Iqtisodchi olim Ahmad O‘lmasov 88 yoshida vafot etdi
- O‘zbekistonda xizmat ko‘rsatgan fan arbobi Rustam Shodiyev 82 yoshida vafot etdi
Izoh (0)