AQShning SpaceX kosmik kompaniyasi Falcon 9 uzatkich-raketasi vositasida yana 60 ta Starlink sun’iy yo‘ldoshini koinotga uchirdi. Bu loyiha doirasidagi 15-parvoz, ayni vaqtda orbitada 900 ta Starlink sun’iy yo‘ldoshlari uchib yuribdi.
Shuningdek, bu SpaceX’ning 100-muvaffaqiyatli parvoziga aylandi. Parvoz AQShdagi Kanaveral burnidagi NASA kosmodromidan amalga oshirilgan.
Unda 2020-yilda ikki marta parvoz amalga oshirilgan Falcon 9’ning birinchi raketa tashuvchisidan foydalanildi, sentabrda ham Starlink missiyasi parvozida ushbu raketa-tashuvchi ishlatilgandi. Qurilma Atlantika okeanidagi platformaga muvaffaqiyatli qaytgan.
Mavzuga doir:
SpaceX orbitaga 12 mingta sun’iy yo‘ldosh joylashtirish, shundan so‘ng yana 30 mingtasi yordamida Yerning to‘liq yuzasini internet bilan ta’minlashni rejalashtirgan. Rejalarga ko‘ra, Shimoliy Amerika Starlink bilan 2020-yilning oxiriga qadar to‘liq qoplanadi, sayyoraning qolgan qismlarini koinotdagi internetga ulash esa 2021-yilda amalga oshiriladi.
SpaceX kompaniyasi Starlink loyihasini 2014-yildan buyon rivojlantirib kelmoqda — o‘shanda Ilon Mask birinchi bor butun dunyoni global sun’iy yo‘ldosh internet bilan birlashtirish borasidagi rejalari bilan bo‘lishgan. Hozirda beta-test dasturi AQShning shimoliy va Kanadaning janubiy qismi bilan chegaralangan.
Izoh (0)