14-noyabr kuni Silverstone auksioni orqali Boney M guruhining asoschisi, afsonaviy prodyuser Frenk Farianga tegishli 1980-yilda ishlab chiqarilgan noyob BMW M1 superkari sotuvga qoyiladi. Procar poyga uslubida qayta ishlangan ikki eshikli kupe 435 ming funt sterlingga baholanmoqda, deb xabar beradi Motor.
BMW M1 nemis konserni konveyridan 1978-yildan 1981-yilga qadar chiqqan. Ushbu yillar davomida kompaniya modeldan 453 nusxa yaratgan. 1970-yillar oxirida Bavariya markasi Lamborghini bilan bitim imzolanib, uning doirasida muhandislar M1 modifikatsiyasini shu nomdagi poygalar uchun yaratishga kirishadi. Unda “Formula-1”ning ko‘plab sportchilari ham bir xil avtomobillarda ishtirok etgan. Ular qatorida Procar BMW M1 nomini olgan seriyada Niki Laud ava Nelson Pike ham bor. Butun nemis kompaniyasi jami 53 dona M poyga mashinalarini yaratgan.
Sotuvga qo‘yilgan superkarni 1980-yilda afsonaviy Boney M musiqiy guruhi asoschisi Frenk Farian sotib olgan. Prodyuser avtomobilga 10 yilga yaqin egalik qilgan. Bu vaqt orasida u o‘zining avtomobilini Procar uslubida modifikatsiya qilishga nemis konserni bilan kelishib olgan. M1 dizayni poyga seriyasi superkarlari ruhida yaratilgan. Kupe shisha tolali kuzov, massiv orqa antiqanot va 17 dyuymli g‘ildirak diskalariga ega bo‘lgan.
BMW M1 kapoti ostidan 281 ot kuchiga ega 3,5 litrli V6 dvigateli o‘rin olgan bo‘lib, u besh pog‘onali mexanik uzatmalar qutisi yordamida boshqariladi. Kupe soatiga 100 kilometr tezlikka 6 soniyada erishadi, maksimal tezligi — 265 km/soat.
Avvalroq Gollivud aktyori Silvestr Stallone o‘zining shaxsiy Cadillac Escalade yo‘ltanlamasini 350 ming dollarga, shuningdek, afsonaviy rok-musiqachi Erik Klepton o‘zining Ferrari 599 GTB avtomobilini sotuvga qo‘ygani to‘g‘risida xabar berilgandi.
Izoh (0)