Marg‘ilonda Matiz urib yuborgan piyoda hodisa joyida vafot etdi

Farg‘ona viloyati Marg‘ilon shahrida Matiz avtomashinasi piyodani urib ketdi, deya xabar bermoqda viloyati IIB.

Qayd etilishicha, 26-oktabr kuni fuqaro T.S. Matiz rusumli avtomashinasini Yangihayot ko‘chasida boshqarib ketayotib, qatnov qismini piyoda kesib o‘tayotgan Q.B.ni urib yuborgan.

Oqibatda piyoda Q.B. hodisa joyida vafot etgan.

Mazkur holat yuzasidan Marg‘ilon shahar IIB huzuridagi tergov bo‘limi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari davom etmoqda.

Avvalroq Namanganda “Jiguli” urib ketgan piyoda, Farg‘onada Nexia urib ketgan elektroskuter haydovchisi va Navoiyda voyaga yetmagan qizga mashinasini boshqarishga bergan haydovchi vafot etgani haqida xabarlar berilgandi