14 ноябрь куни Silverstone аукциони орқали Boney M гуруҳининг асосчиси, афсонавий продюсер Фрэнк Фарианга тегишли 1980 йилда ишлаб чиқарилган ноёб BMW М1 суперкари сотувга қойилади. Procar пойга услубига қайта ишланган икки эшикли купе 435 минг фунт стерлингга баҳоланмоқда, деб хабар беради Motor.
BMW М1 немис концерни конвейридан 1978 йилдан 1981 йилга қадар чиққан. Ушбу йиллар давомида компания моделдан 453 нусха яратган. 1970 йиллар охирида Бавария маркаси Lamborghini билан битим имзоланиб, унинг доирасида муҳандислар М1 модификациясини шу номдаги пойгалар учун яратишга киришади. Унда «Formula-1»нинг кўплаб спортчилари ҳам бир хил автомобилларда иштирок этган. Улар қаторида Procar BMW М1 номини олган серияда Niki Laud ava Nelson Pike ҳам бор. Бутун немис компанияси жами 53 дона М пойга машиналарини яратган.
Сотувга қўйилган суперкарни 1980 йилда афсонавий Boney M мусиқий гуруҳи асосчиси Фрэнк Фариан сотиб олган. Продюсер автомобилга 10 йилга яқин эгалик қилган. Бу вақт орасида у ўзининг автомобилини Procar услубида модификация қилишга немис концерни билан келишиб олган. М1 дизайни пойга серияси суперкарлари руҳида яратилган. Купе шиша толали кузов, массив орқа антиқанот ва 17 дюймли ғилдирак дискаларига эга бўлган.
BMW М1 капоти остидан 281 от кучига эга 3,5 литрли В6 двигатели ўрин олган бўлиб, у беш поғонали механик узатмалар қутиси ёрдамида бошқарилади. Купе соатига 100 километр тезликка 6 сонияда эришади, максимал тезлиги — 265 км/соат.
Аввалроқ Голливуд актёри Сильвестр Сталлоне ўзининг шахсий Cadillac Escalade йўлтанламасини 350 минг долларга, шунингдек, афсонавий рок-мусиқачи Эрик Клептон ўзининг Ferrari 599 ГТБ автомобилини сотувга қўйгани тўғрисида хабар берилганди.
Изоҳ (0)