Namangan viloyatida “VAZ-2106” traktor tirkamasiga urilishi oqibatida yo‘l-transport hodisasi sodir bo‘ldi, deya xabar bermoqda viloyati IIB axborot xizmati.
Ma’lum qilinishicha, 24-oktabr kuni soat 19:30 larda Qandiyon–Kosonsoy yo‘lining 4-kilometrida “VAZ-2106” avtomashinasini boshqarib ketayotgan haydovchi harakat xavfsizligini ta’minlay olmay, shu yo‘nalishda o‘zidan oldinda harakatlanib ketayotgan “T-40A” tirkamali traktorining orqasiga urilgan.
Natijada “VAZ-2106” avtomashinasi haydovchisi bosh miya og‘ir yopiq shikasti, miya komasi tashxisi bilan tuman markaziy shifoxonasining jonlantirish bo‘limiga yotqizilgan. Ko‘rsatilgan tez tibbiy yordamga qaramay haydovchi vafot etgan.
Ushbu holat bo‘yicha tuman IIB tomonidan tergovga qadar surishtiruv ishlari olib borilmoqda.
Avvalroq Farg‘onada Nexia urib ketgan elektroskuter haydovchisi, Andijonda ikki Nexia to‘qnashuvi natijasida 2 kishi, Navoiyda voyaga yetmagan qizga mashinasini boshqarishga bergan haydovchi va Farg‘onada Nexia’ga ulangan tirkamaning uzilib ketishi oqibatida bir kishi vafot etgani xabar qilingandi.
Izoh (0)