Chili fuqarolari 25-oktabr kuni bo‘lib o‘tgan referendumda mamlakatning yangi konstitutsiyasini ishlab chiqish uchun ovoz berdi, deb yozmoqda Meduza.
Ovoz berish natijalariga ko‘ra, yangi konstitutsiyani ishlab chiqish uchun mamlakat aholisining 78 foizi rozilik bildirgan.
Mamlakatda 2021-yilning bahorida ta’sis majlisi uchun saylov bo‘lib o‘tadi. Majlis yangi konstitutsiyani ishlab chiqadi. Shundan so’ng mamlakat fuqarolari referendumda konstitutsiyaning tayyor matnini ma’qullashi kerak bo‘ladi. Referendumning 2022-yilda o‘tkazilishi kutilmoqda.
Ayni paytda Chilida diktator Augusto Pinocheta boshqaruvi davrida qabul qilingan konstitutsiya amal qilmoqda. Uning matni 1980-yilda tasdiqlangan.
Yangi konstitutsiyaning qabul qilinishi Chilida 2019-yilning kuzida boshlangan ko‘p millionli norozilik namoyishlari qatnashchilarining talablaridan biri bo‘lgan. Ularning fikricha, asosiy qonunning ba’zi qoidalari mamlakatda kuchli ijtimoiy tengsizlikni keltirib chiqargan.
Izoh (0)