Koronavirus bilan kasallanib, shifoxonada statsionar sharoitda davolanib chiqqan kishilar bir necha kun uy sharoitiga ko‘nikishi va undan so‘ng yuvinishi mumkin bo‘ladi. Bu haqda O‘zbekiston Sog‘liqni saqlash vazirligi huzuridagi Koronavirusga qarshi kurash shtabi a’zosi Nargiza Nurullayeva ma’lum qildi.
Shtab a’zosining aytishicha, kelib chiqish sabablari turlicha bo‘lgan pnevmoniyalardan keyin tiklanish davri bir muncha uzoq muddat talab qiladi. Tiklanish davri muddati har bir bemorda turlicha bo‘lib, bu bemorning yoshiga, organizmining umumiy holatiga va yondosh surunkali kasalliklar mavjudligiga bog‘liq. Statsionar davodan so‘ng bir necha kun uy sharoitiga ko‘nikish va undan so‘ng yuvinish mumkin bo‘ladi.
Uning ta’kidlashicha, hozirgi kunda bemorlarga dezinfeksiyalovchi salfetkalar yoki issiq suvda namlangan sochiq bilan artinish tavsiya etiladi. Bu holatda xonada oynalar yopilgan bo‘lishi, ya’ni yelvizak bo‘lmasligi lozim.
Mavzuga doir:
Izoh (0)