Futbol bo‘yicha Angliya chempionatining 6-turidan o‘rin olgan bir qator uchrashuvlar 25-oktabr, yakshanba kuni bo‘lib o‘tdi.
Londonning “Arsenal” jamoasi o‘z uyida “Lester”ni qabul qildi. Jeymi Vardi tomonidan 80-daqiqada kiritilgan to‘p uchrashuv taqdirini hal qilib berdi.
“Arsenal” 9 ochko bilan 10-o‘rinda bormoqda, “Lester” esa ochkolarini 12 taga yetkazib oldi va 4-pog‘onaga ko‘tarildi.
Musobaqa peshqadami “Everton” safarda “Sauthempton”ga qarshi bahs olib bordi. Jeyms Uord-Prouz va Che Adamsning gollari maydon egalariga g‘alabani taqdim etdi.
Mavsumdagi ilk mag‘lubiyatni qabul qilib olgan Karlo Anchelotti shogirdlari 13 ochko bilan 1-o‘rinni saqlab turibdi. “Sauthempton” (10) 6-pog‘onadan o‘rin olgan.
Shuningdek, “Vulverhempton” jamoasi o‘z maydonidagi o‘yinda so‘nggi daqiqalarda g‘alabani qo‘ldan chiqardi.
APL
6-tur bahslari
25-oktabr, yakshanba
“Arsenal” — “Lester” 0:1
Gol: 0:1 – 80 Vardi.“Arsenal”: Leno, Belyerin, David Luiz (Mustafi, 49), Gabriel, Tirni (Nketia, 81), Tomas, Jaka, Sebalyos, Saka (Pepe, 65), Obameyang, Lyakazett.
“Lester”: Shmeyhel, Jastin, Fofana, Evans, Kastan, Prat (Vardi, 60), Mendi, Meddison (Olbrayton, 85), Tilemans, Barns (O‘nder, 75), Fuks.
Ogohlantirishlar: Belyerin (30), Fuks (32), Tilemans (41), Fofana (52), Lyakazett (57), Meddison (67), Evans (74), Jaka (90).
“Sauthempton” — “Everton” 2:0
Gollar: 1:0 – 27 Uord-Prouz, 2:0 – 35 Adams.“Vulverhempton” — “Nyukasl” 1:1
Gollar: 1:0 – 80 Ximenes, 1:1 – 89 Myorfi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)