Yengil vazn toifasida UFC chempioni Habib Nurmagomedov UFC 254 musobaqasida Jastin Getjiga qarshi jang qildi va raqibini ikkinchi raundda taslim etdi.
Rossiyalik yakkakurashchi kechaning yorqin jangi uchun UFC tomonidan taqdim etiladigan 50 ming dollar miqdoridagi bonusga ega bo‘ldi. Bu haqda UFC prezidenti Deyna Uayt musobaqadan keyingi matbuot anjumanida aytib o‘tdi.
Shuningdek, rossiyalik yana bir jangchi Magomed Ankalayev ham bonusni qo‘lga kiritdi. U Ion Kutselabaga qarshi revansh jangida raqibini nokautga uchratgandi.
UFC 254 musobaqasi barcha janglarini bu yerda tomosha qilish mumkin — havola.
Kechaning eng yaxshi jangi sifatida Nataniel Vud va Keysi Kenni ishtirokidagi bellashuv e’tirof etildi. Har ikki jangchi 50 ming dollar miqdoridagi bonusga ega bo‘lgan.
Eslatib o‘tamiz, musobaqadan keyin Habib faoliyatini yakunlashini ma’lum qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)