“Jenoa” bosh murabbiyi Rolando Maran jamoaning yangi hujumchisi Eldor Shomurodovning “Verona”ga qarshi o‘yindagi (0:0) harakatlariga baho berdi.
“Men unga o‘ynash imkoniyatini berdim, biroq Shomurodov bizning futbol haqida tasavvurga ega emas. U boshqa chempionatdan kelgan va bu yerda qanday ishlash kerakligini bilmaydi. Shunday ekan unga vaqt kerak. U sabr qilishi kerak. Eldor xatoga yo‘l qo‘ymadi, shu tufayli uning o‘yinidan mamnunman”, — deydi Maran.
Shomurodov A Seriya 4-turi doirasida kechgan “Verona”ga qarshi o‘yinda asosiy tarkibda maydonga tushdi va 63-daqiqada zaxiraga olindi. Bu o‘zbekistonlik hujumchi uchun A Seriyadagi debyut o‘yin edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)