O‘zbekistonlik UFC jangchisi Mahmud Murodovning (24-6) Kshishtof Yotkoga (22-4) qarshi jangi bekor qilindi.
Murodov 31-oktabr kungi UFC musobaqasida Yotkoga qarshi jang qilishi rejalashtirilgandi. Biroq polshalik sportchi jarohat sabab safdan chiqqan.
UFC rahbariyati Murodovga yangi raqib topib berdi. Las-Vegasda bo‘lib o‘tadigan UFC kechasida Mahmudga Kevin Holland (19-5) raqiblik qiladi.
“Treybleyzer” laqabini olgan 27 yoshli amerikalik yakkakurashchi 2020-yilda uchta jang o‘tkazdi va ularning barchasida g‘alaba qozondi. Ulardan biri yaqinda super zarba bilan chiroyli nokaut qayd etgan Xoakin Bakli ustidan qozonilgan.
Eslatib o‘tamiz, Mahmud Murodov UFC’da hozirgacha ikkita jang o‘tkazgan. U UFC’dagi debyut jangida italiyalik Alessio di Kirikoni (12-4, 9 KO) ochkolar hisobiga ko‘ra, ikkinchi jangida Trevor Smitni (15-10, 10 KO) uchinchi raundda nokaut evaziga mag‘lubiyatga uchratgan.
Izoh (0)