Professional boksning yengil vazn toifasida WBO, WBA Super hamda IBF kamarlari sohibiga aylangan amerikalik bokschi Teofimo Lopes Vasiliy Lomachenko va uning otasiga jangdan so‘ng nimalar deganini ma’lum qildi.
“Jangdan so‘ng uning otasiga minnatdorchilik bildirim. Unga Vasiliy juda yaxshi bokschiligini aytdim. Jang uchun rahmat dedim. Keyin esa Vasiliyning o‘zidan uzr so‘radim. Unga bu ishni qilishimiz kerak bo‘lganligini bildirdim. Men yutganimni bilardim. U bo‘lsa shunchaki kulib qo‘ydi, bu uning vijdoniga havola.
Men hakamlarning yakdil qaroriga ko‘ra hamma raundlarda g‘alaba qozondim, deyarli barcha raundlarda! Lomachenko qoyilmaqom jangchi, u nima qilayotganini biladi. Ammo uning vaqti o‘tdi”, — deydi Teofimo Lopes.
Eslatib o‘tamiz, Toshkent vaqti bilan 18-oktabr tongida professional boksning yengil vazn toifasida WBO, IBF, WBA Super kamarlari uchun chempionlik jangida Teofimo Lopes (16-0, 12 KO) Vasiliy Lomachenkoni (14-2, 10 KO) taslim qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)