Qashqadaryo viloyatining Kasbi tumani viloyatda davlatga paxta topshirish rejasini bajargan birinchi tuman bo‘ldi. Bu haqda “Daryo”ga xabar bergan tuman hokimligi axborot xizmati rahbari Gulilaylo Tugalovaning ma’lumot berishicha, tuman 33 445 tonna paxta xirmonini yaratgan.
Shu munosabat bilan tuman hokimi To‘xtamurod Meyliyev 14-oktabr kuni tuman mirishkorlarini qutlagan.
“Tumanda Indorama Agro MChJ xorijiy korxonasi tomonidan 8 ming gektar maydonda 28 ming tonna va 432 ta fermer xo‘jaliklari tomonidan 10 ming 350 gektar maydonda 32 ming 720 tonna yoki tuman bo‘yicha jami 18 ming 350 gektar maydonda 60 ming 720 tonna paxta xomashyosi yetishtirish ko‘zda tutilgan edi. Tuman fermerlari o‘zlari topshirishi lozim bo‘lgan 32 ming 720 tonna paxtani 33 ming 445 tonna qilib topshirdi. Endilikda klaster korxona o‘zi mustaqil ravishda hosilini yig‘ib oladi”, — deydi Gulilaylo Tugalova.
Aniqlik kiritilishicha, endilikda klaster korxona ham 28 ming tonna xirmonini yaratib, jami topshirilishi lozim bo‘lgan paxta xirmonini 60 ming 720 tonnaga yetkazadi.
Izoh (0)