Қашқадарё вилоятининг Касби тумани вилоятда давлатга пахта топшириш режасини бажарган биринчи туман бўлди. Бу ҳақда «Дарё»га хабар берган туман ҳокимлиги ахборот хизмати раҳбари Гулилайло Тугалованинг маълумот беришича, туман 33 445 тонна пахта хирмонини яратган.
Шу муносабат билан туман ҳокими Тўхтамурод Мейлиев 14 октябрь куни туман миришкорларини қутлаган.
«Туманда Indorama Agro МЧЖ хорижий корхонаси томонидан 8 минг гектар майдонда 28 минг тонна ва 432 та фермер хўжаликлари томонидан 10 минг 350 гектар майдонда 32 минг 720 тонна ёки туман бўйича жами 18 минг 350 гектар майдонда 60 минг 720 тонна пахта хом ашёси етиштириш кўзда тутилган эди. Туман фермерлари ўзлари топшириши лозим бўлган 32 минг 720 тонна пахтани 33 минг 445 тонна қилиб топширди. Эндиликда кластер корхона ўзи мустақил равишда ҳосилини йиғиб олади», — дейди Гулилайло Тугалова.
Аниқлик киритилишича, эндиликда кластер корхона ҳам 28 минг тонна хирмонини яратиб, жами топширилиши лозим бўлган пахта хирмонини 60 минг 720 тоннага етказади.
Изоҳ (0)