Sirdaryo viloyati Sirdaryo tuman gaz nazoratchisini xonadon egasi o‘ldirib qo‘ydi, deya xabar bermoqda tuman IIB.
Ma’lum qilinishicha, 2020-yil 9-oktabr kuni soat 18:50 da fuqaro F.K. Sirdaryo tumani IIBga og‘zaki xabar bergan. Unga ko‘ra 2020-yil 9-oktabr kuni soat taxminan 18:00 larda Sirdaryo tumani “Do‘stlik” MFYdagi xonadoniga o‘zini Sirdaryo tuman gaz nazoratchisi deb tanishtirgan fuqaro Q.Sh. kelib gaz hisoblagichini tekshirib, undan foydalanilgan gaz uchun qarzdorligini so‘ndirishni so‘ragan.
Shundan so‘ng fuqaro F.K. va gaz nazoratchisi o‘rtasida o‘zaro kelishmovchilik chiqib, tortishib, mushtlashgan. Natijada fuqaro F.K. yonida bo‘lgan oshxona pichog‘i bilan fuqaro Q.Sh.ni badanining bir nechta joylariga urib tan jarohati yetkazgan.
Oqibatda fuqaro Q.Sh. olgan tan jarohatlari bilan voqea joyida vafot etgan.
Mazkur holat yuzasidan Sirdaryo tuman prokuraturasi tomonidan tergovga qadar tekshiruv harakatlari olib borilmoqda.
Mavzuga doir:
Izoh (0)