“Real”ning 19 yoshli braziliyalik hujumchisi Rodrigo o‘zini vatandoshlari — Neymar va Robinyo bilan taqqoslashlariga munosabat bildirdi.
Faoliyatimning boshidanoq, “Santos”da o‘ynagan kezlarimda ham meni Neymar va Robinyoga qiyoslashardi. Bu har doim bo‘lgan. Ammo har doim Rodrigo bo‘lishni va o‘z hikoyamni yozishni istashimni aytganman. Robinyo va Neymar “Santos” va o‘zi o‘ynagan boshqa klublarning afsonasi hisoblanadi. Neymar bitta, men esa faqat Rodrigo bo‘lishni xohlayman.Eslatib o‘tamiz, Rodrigo 2019-yil yozida “Santos”dan “Real”ga o‘tgan. Madrid klubi uning transferi uchun 45 million yevro sarflagandi. Rodrigo hozirgacha “qirollik klubi” tarkibida 28 ta o‘yin o‘tkazib, 7 ta gol va 4 ta golli uzatmaga mualliflik qilgan.Menimcha, yuqori saviyali bo‘lish juda muhim, barchamiz bilamizki, mening pozitsiyamda ajoyib futbolchilar bor. Braziliya terma jamoasida o‘ynash navbati kelganida, yaxshi harakat qilaman, mashg‘ulotlarda va har bir o‘yin oldidan Tite (Braziliya terma jamoasi bosh murabbiyi) talab qilgan narsalarni bajaraman. Terma jamoaga chaqirilishda davom etishim uchun uzluksiz o‘ynab turishim lozim.
Rodrigo, futbolchi
Izoh (0)