“Arsenal” yarim himoyachisi Mesut O‘zil sentabr oyi oxirida klubdan katta miqdordagi pul mablag‘ini qabul qilib olgan.
The Athletic xabariga ko‘ra, “kanonirlar” germaniyalik futbolchiga klubga bo‘lgan sadoqati uchun bonus tariqasida 8 million funt to‘lagan.
Ushbu bonus O‘zilga 2018-yilda tuzilgan kelishuv shartlariga asosan berilgani aytilmoqda.
Qayd etilishicha, 31 yoshli futbolchi ayni paytda jamoaning eng ko‘p maosh oluvchi futbolchisi sanaladi. Uning maoshi haftasiga 350 ming funtni tashkil qiladi.
O‘zil Angliya chempionatining ushbu mavsumida birorta ham o‘yin o‘tkazmadi, bundan tashqari, London klubi uni Yevropa Ligasi qaydnomasiga ham kiritmagan.
Avvalroq “Arsenal” O‘zil bilan shartnomani muddatidan oldin bekor qilishga tayyorligi, ammo futbolchi buning uchun 13 million funt sterling talab qilayotgani haqida xabar berilgandi.
Gollar to‘plami:
Izoh (0)