“Yuventus” va Shvetsiya terma jamoasi yarim himoyachisi Deyan Kulushevski Millatlar Ligasi doirasida o‘tkaziladigan Portugaliyaga qarshi o‘yin oldidan klubdagi jamoadoshi Krishtianu Ronaldu haqida o‘z fikrlari bilan o‘rtoqlashdi.
Dunyoda hech kim Krishtianu Ronalduni to‘xtata olmaydi, agar uning kuni bo‘lsa, u hamma narsani bir o‘zi qilishga qodir. O‘tgan o‘yinda muvaffaqiyat qozona olmadik, ammo chorshanba (14-oktabr) kuni bizda ikkinchi imkoniyat bo‘ladi.Ronaldu 2018-yildan beri “Yuventus” sharafini himoya qiladi. Uning transfer uchun turinliklar “Real”ga 117 million yevro to‘lagandi. Joriy mavsumda 35 yoshli hujumchi Italiya chempionatining 2 uchrashuvida maydonga tushib, 3 ta gol va 1 ta golli uzatmaga mualliflik qildi. Uning klub bilan shartnomasi 2022-yilning yozigacha amal qiladi.Unga qarshi iloji boricha tajovuzkor o‘ynashingiz va asabiylashishga majbur qilishingiz lozim. Faol himoyachilarga qarshi o‘ynash qanday ekanligini bilaman.
Ronaldu bilan bo‘lajak o‘yinni muhokama qildik. Uning aytishicha, birinchi o‘yinda ularda yaxshi taassurot qoldiribmiz va juda yaxshi o‘yin namoyish etibmiz. Bir-birimizni yaxshiroq bilgandan keyin unga qarshi maydonda chiqish qiziqarli bo‘ladi.
Deyan Kulushevski, futbolchi
Gollar to‘plami:
Mavzuga doir:
- Arsen Venger: “Arsenal” Ronaldu bilan kelishuvga erishgandi. Biroq so‘nggi pallada “Manchester Yunayted” uni ilib ketgan
- Ugo Lyoris: Ronaldu — mukammal futbolchi
- “Yuventus” futbolchilaridan mashg‘ulotlarda Krishtianu Ronaldu bilan to‘qnashib ketmaslik so‘ralgani ma’lum bo‘ldi
- A Seriyaning eng ko‘p maosh oluvchi futbolchilari ma’lum bo‘ldi
Izoh (0)