FIFAning futbolni global rivojlantirish bo‘limi rahbari Arsen Venger Millatlar Ligasi musobaqasidan voz kechishni taklif qildi.
“Millatlar Ligasidan voz kechish kerak va hamma uchun tushunarli musobaqalarni o‘tkazish lozim. Ko‘chada istalgan odamdan Millatlar Ligasi haqida so‘rang, ko‘pchilik buni tushuntirib berolmaydi.
Iloji boricha kamroq musobaqa o‘tkazish kerak. Har ikki yilda bittadan Jahon va Yevropa chempionati musobaqasi — menimcha, zamonaviy futbolga ko‘proq to‘g‘ri keladi”, — deydi Venger.
Shuningdek, mutaxassis ushbu musobaqalarni har ikki yilda o‘tkazish ularning nufuziga salbiy ta’sir o‘tkazishi mumkinligi haqidagi savolga javob berdi.
“Shunday deydiganlarga men har doim bunday javob beraman: musobaqa saviyasi uni kutish muddatiga emas, turnir sifatiga bog‘liq. Masalan, odamlar Chempionlar Ligasini har yili kuzatib boradi. Menimcha, bu oldinga tashlangan katta qadam bo‘ladi”, — deydi Venger.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)