“Roma” klubi va Italiya terma jamoasining sobiq hujumchisi Franchesko Tottining otasi Lorenso Totti koronavirus oqibatida vafot etdi.
Ensoda COVID-19 infeksiyasi aniqlangach, u shifoxonaga yotqizilgan va o‘sha yerda davolanayotgandi. Bir necha kun avval Tottining otasida yurak xuruji kuzatilgan.
“Roma” Enso Tottining o‘limi yuzasidan uning yaqinlariga hamdardlik bildirdi.
“Alvido, Enso. Tottilar oilasini quchib qolamiz”, — deyiladi klub bayonotida.
Lorenso Totti hayoti davomida bank sohasida ishlagan. U 76 yoshida hayotdan ko‘z yumdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)