O‘zbekiston terma jamoasi 12-oktabr, dushanba kuni Dubay shahrida BAA terma jamoasiga qarshi o‘rtoqlik uchrashuvida ishtirok etdi.
Birinchi bo‘lim teng kurashlar ostida o‘tdi. To‘p bilan ishlashda Vadim Abramov jamoasi yaxshiroq harakat qilgan bo‘lsa, xavfli vaziyatlar yaratishda amirliklar faol bo‘ldi.
Ikkinchi bo‘lim debyutida O‘zbekiston terma jamoa o‘yinchilari oldinga o‘tib oldi: Igor Sergeyev raqib himoyasidagi xatodan keyin hisobni ochdi.
O‘yin yakunlanishi arafasida Sergeyev Doston Hamdamovning uzatmasidan keyin jarima maydoni tashqarisidan aniq zarba yo‘llagan holda dublini nishonladi.
Hakam tomonidan qo‘shib berilgan vaqtda mezbonlar penalti ishlab oldi. Uni Sebastyan Talyabue muvaffaqiyatli ijro etdi.
Shu tariqa bahs Abramov shogirdlarining g‘alabasi bilan yakunlandi.
O‘rtoqlik uchrashuvi
12-oktabr, dushanba
BAA — O‘zbekiston 1:2
Gollar: 0:1 – 48 Sergeyev, 0:2 – 86 Sergeyev, 1:2 – 90+1 Talyabue.O‘zbekiston: Abduvohid Ne’matov, Islom Qobilov, Igor Golban, Ibrohimhalil Yo‘ldoshev, Murod Xolmuhammedov (Farruh Sayfiyev, 73), Odil Hamrobekov, Aziz G‘aniyev, Otabek Shukurov (Akmal Mozgovoy, 90), Azizbek Turg‘unboyev (Dostonbek Hamdamov, 53), Hojimat Erkinov (Jaloliddin Masharipov, 61), Igor Sergeyev (Shahzodbek Ubaydullayev, 87).
BAA: Xolid Iysa, Faris Juma (Ismoil Ahmad, 75), Muhammad Marzuq, Abdulaziz Haykal, Yussuf Jobir (Salim Rashid, 58), Hamis Ismoil, Ahmad Barman (Muhammad at-Attas, 58), Ibrohim Halil (Xolid Bavazir, 24), Xalfan Muborak (G‘arib Abdulloh, 67), Sebastyan Talyabue, Fabio de Lima (Hamdam, 81)
Ogohlantirish: Xolmuhammedov (31), Ismoil (80), Yo‘ldoshev (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)