Xalqaro sport tadqiqotlari markazi (CIES Football Observatory) ayni damdagi tarkibiga eng ko‘p pul sarflagan Yevropa kuchli beshlik ligalari klublari reytingini e’lon qildi.
Tahlillar xulosasiga ko‘ra, “Manchester Siti” hozirgi tarkibini yig‘ish uchun eng ko‘p pul sarflagan jamoa ekani ma’lum bo‘ldi. “Shaharliklar” transferlarga jami 1,036 milliard yevro sarflagan. “Manchester Siti” bu borada milliardlik dovondan o‘tgan yagona klub bo‘lib turibdi.
Keyingi o‘rindan PSJ (888 million yevro) joy olgan. Parijliklar mazkur tarkibni yig‘ishga sarflagan jami pulining to‘rtdan bir qismini Neymarni sotib olishga ajratgan (222 mln yevro).
Kuchli uchlikni “Manchester Yunayted” yakunlab berdi. Mankunianliklar so‘nggi yillarda aytarli natijaga erishmagan bo‘lsa-da, ushbu tarkib uchun 844 million yevro sarflagan.
Top-15 bilan tanishing:
1. “Manchester Siti” — 1,036 milliard yevro;
2. PSJ — 888 million yevro;
3. “Manchester Yunayted” — 844 mln yevro;
4. “Barselona” — 826 mln yevro;
5. “Chelsi” — 763 mln yevro;
6. “Real” — 708 mln yevro;
7. “Liverpul” — 666 mln yevro;
8. “Yuventus” — 594 mln yevro;
9. “Arsenal” — 590 mln yevro;
10. “Everton” — 504 mln yevro;
11. “Atletiko” — 483 mln yevro;
12. “Tottenhem” — 479 mln yevro;
13. “Napoli” — 467 mln yevro;
14. “Inter” — 439 mln yevro;
15. “Bavariya” — 408 mln yevro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)