Polsha terma jamoasi hujumchisi Robert Levandovski Millatlar Ligasi 3-turi doirasida Italiyaga qarshi kechgan o‘yinning (0:0) oxirigacha harakat qila olmadi.
32 yoshli futbolchi uchrashuvning 83-daqiqasida boldir suyagi bilan tovon suyagini biriktiruvchi bo‘g‘inidan jarohat oldi va zaxiraga olindi.
Jarohatning qay darajada jiddiyligi noma’lum.
Qayd etish joiz, Levandovski besh yil deganda ilk bor terma jamoasining rasmiy o‘yinida zaxiraga olindi. So‘nggi bor Robert 2015-yilning sentabrida Yevro—2016 saralashi doirasida Gibraltarga qarshi kechgan o‘yinda (8:1) almashtirilgandi.
Levandovski 2019/20-yilgi mavsum “Bavariya” safidagi 47 o‘yinda 55 ta gol urdi. Polshalik futbolchi jamoasi bilan 4 ta sovrin yutishdan tashqari, 3 ta musobaqa (Germaniya chempionati va Kubogi, Chempionlar Ligasi) to‘purariga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)