Buyuk Britaniyada yashovchi yigit shahar markazidagi e’lonlar peshtaxtasiga o‘zining suratini joylashtirdi va bu orqali o‘z juftini topdi. Bu haqda “Korrespondent.net” xabar berdi.
Angliyaning Sheffild shahrida yashovchi 30 yoshli marketolog Mark Rof o‘z sevgisini g‘ayrioddiy tarzda topishga qaror qildi. Buning uchun u e’lonlar peshtaxtasini ijaraga oldi va surat sarlavhasiga: “Yolg‘izmisiz? Mark bilan tanishing. Bu siz intizorlik bilan kutayotgan insonga ishora bo‘lishi mumkin”, deb yozdi. Shuningdek, reklamada erkakning shaxsiy veb-sayti ham ko‘rsatildi.
Bundan tashqari, Mark reklamada o‘zini “nihoyatda kelishgan va kamtarin”, bo‘yi − 180 santimetr ekanligini ham bildirib o‘tgan. U hatto ko‘rsatkich barmog‘ining uzunligi – 6, 82 sm va ko‘zlarining rangini esa to‘q kulrang-ko‘k, deb ko‘rsatgan.
E’lonlar peshtaxtasi 6x3 o‘lchamda bo‘lib, uning narxi 554 dollarni tashkil qiladi. Yaqindagina Rofning xabar qilishicha, uning e’loniga mingdan ortiq qiz fikr bildirgan. Shu bilan birga, u 2020-yilning fevral oyidan boshlab o‘zining e’loniga birinchilardan bo‘lib munosabat bildirgan qiz bilan uchrashishni boshladi.
Britaniyalik erkakning ta’kidlashicha, uning 28 yoshli do‘sti anchagina hazilkash. Rof o‘zning tajribasi “o‘rtacha jismoniy xususiyatlarga ega bo‘lgan, shuningdek, o‘z juftini izlayotgan boshqa erkaklarning ko‘nglini ko‘taradi”, deya umid qilmoqda.
Izoh (0)