Chilida COVID-19 tarqalishining oldini olish maqsadida 2020-yil mart oyi oxirida komendantlik soati o‘rnatildi. Biroq bunga hamma ham amal qilmaydi. Sohil bo‘yidagi Puerto-Sisnes shahri aholisi ko‘chada ikki tonnalik dengiz filini uchratgan, deb yozadi Esquire.
Aftidan, dengiz fili shaharda adashib qolganga o‘xshaydi. Shu tufayli mahalliy aholi, dengiz kuchlari zobitlari va politsiya tomonidan uni dengizga qaytarishda qutqaruv ishlari olib borildi. Buning uchun jonzot qora brezent yordamida boshqarilib, suvga olib borildi.
Antarktida suvlarida yashaydigan janubiy dengiz fili tyulenlar oilasining eng yirik vakili hisoblanadi. Erkak tyulenlarning uzunligi 6 metr va og‘irligi 4 tonnagacha bo‘lishi mumkin, urg‘ochilari esa uzunligi 3 metrgacha va og‘irligi 1 tonnadan kamroq bo‘ladi.
Chili ko‘chalarida yovvoyi hayvonning paydo bo‘lishi birinchi marta emas. So‘nggi oylarda mamlakat poytaxti – Santyago ko‘chalarida 7 ta tog‘ sherlari ushlandi.
https://twitter.com/LavinJoaquin/status/1312048573756907521
Izoh (0)