Буюк Британияда яшовчи йигит шаҳар марказидаги эълонлар пештахтасига ўзининг суратини жойлаштирди ва бу орқали ўз жуфтини топди. Бу ҳақда «Korrespondent.net» хабар берди.
Англиянинг Шеффилд шаҳрида яшовчи 30 ёшли маркетолог Марк Роф ўз севгисини ғайриоддий тарзда топишга қарор қилди. Бунинг учун у эълонлар пештахтасини ижарага олди ва сурат сарлавҳасига: «Ёлғизмисиз? Марк билан танишинг. Бу сиз интизорлик билан кутаётган инсонга ишора бўлиши мумкин», деб ёзди. Шунингдек, рекламада эркакнинг шахсий веб-сайти ҳам кўрсатилди.
Бундан ташқари, Марк рекламада ўзини «ниҳоятда келишган ва камтарин», бўйи − 180 сантиметр эканлигини ҳам билдириб ўтган. У ҳатто кўрсаткич бармоғининг узунлиги – 6, 82 см ва кўзларининг рангини эса тўқ кул ранг-кўк, деб кўрсатган.
Эълонлар пештахтаси 6х3 ўлчамда бўлиб, унинг нархи 554 долларни ташкил қилади. Яқиндагина Рофнинг хабар қилишича, унинг эълонига мингдан ортиқ қиз фикр билдирган. Шу билан бирга, у 2020 йилнинг февраль ойидан бошлаб ўзининг эълонига биринчилардан бўлиб муносабат билдирган қиз билан учрашишни бошлади.
Британиялик эркакнинг таъкидлашича, унинг 28 ёшли дўсти анчагина ҳазилкаш. Роф ўзнинг тажрибаси «ўртача жисмоний хусусиятларга эга бўлган, шунингдек, ўз жуфтини излаётган бошқа эркакларнинг кўнглини кўтаради», дея умид қилмоқда.
Изоҳ (0)