Tashqi ishlar vaziri Abdulaziz Kamilov 9-oktabr kuni O‘zbekistondagi diplomatik missiyasini yakunlayotgan Bangladesh respublikasi elchisi Masud Mannan bilan uchrashdi. Bu haqda TIV matbuot xizmati xabar berdi.
Uchrashuvda O‘zbekiston—Bangladesh o‘rtasidagi har tomonlama sheriklik munosabatlarining hozirgi holati va ularni yanada mustahkamlash istiqbollari muhokama qilindi.
Ikki tomonlama tovar ayirboshlash hajmlarini orttirish hamda qishloq xo‘jaligi va to‘qimachilik sanoati tarmoqlarida qo‘shma loyihalarni amalga oshirish orqali savdo-iqtisodiy va investitsiya aloqalarini kengaytirishning ustuvor ahamiyati qayd etilgan. Madaniyat, ta’lim va turizm sohalaridagi hamkorlik masalalariga alohida e’tibor qaratilgan.
Uchrashuv so‘ngida vazir elchining O‘zbekistondagi yetti yillik faoliyati muvaffaqiyatli yakunlaganini qayd etib, mamlakatlar o‘rtasidagi ko‘p qirrali aloqalarni rivojlantirish va mustahkamlash ishiga qo‘shgan shaxsiy hissasi uchun minnatdorlik bildirgan. Masud Mannan, o‘z navbatida, O‘zbekistonda samarali faoliyat yuritishiga yaratib berilgan qulay sharoitlar uchun minnatdorchilik bildirgan.
Izoh (0)