Urugvay terma jamoasi hujumchisi Luis Suares JCh—2022 musobaqasi saralashining birinchi bosqichi doirasida o‘tkazilgan Chiliga qarshi uchrashuvda ajoyib statistik natija qayd etdi.
MisterChip’ning xabar berishicha, Suaresning mazkur uchrashuvdagi goli unga Janubiy Amerika mintaqasining mundial saralashlari tarixidagi eng yaxshi to‘purariga aylanishga imkon bergan. Endilikda uning barcha saralashlardagi gollari soni 22 taga yetdi.
Qayd etish joiz, Suaresning ushbu ko‘rsatkich bo‘yicha Argentina terma jamoasi hujumchisi Lionel Messini (21 ta gol) ortda qoldirdi.
Messi va Suares 2014—2020-yillarda “Barselona”da birga o‘ynagan. 33 yoshli urugvaylik hujumchi 2020-yilgi transferlar vaqtida “Atletiko”ga ko‘chib o‘tdi. O‘tgan mavsumda u klub miqyosidagi barcha musobaqalarda 36 uchrashuv o‘tkazib, 21 ta gol va 10 golli uzatmaga mualliflik qilgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)