O‘zbekiston milliy terma jamoasi va “Sharja” yarim himoyachisi Otabek Shukurov Eronga qarshi kechgan o‘rtoqlik o‘yinidan so‘ng o‘z fikrlari bilan o‘rtoqlashdi.
Avvalambor o‘yin uchun rahmat. O‘ylaymanki, muxlislar ham oynayi jahon orqali, ham stadiondan bizni qo‘llab-quvvatlab turdi. Hammaga ma’lumki, Eron Osiyoda favorit jamoa hisoblanadi. Ishlayapmiz, mehnat qilyapmiz. Uyda o‘ynab, mag‘lubiyatga uchraganimiz uchun muxlislardan uzr so‘raymiz. Lekin mehnat qilishdan to‘xtamaymiz va nasib qilsa, keyingi o‘yinlarda ularni xursand qilishga harakat qilamiz. Oldinda turgan rasmiy uchrashuvlarga esa jiddiyroq, puxtaroq tayyorgarlik ko‘rib, Jahon chempionatiga chiqish uchun bor imkoniyatimizni ishga solamiz.Eslatib o‘tamiz, O‘zbekiston terma jamoasi keyingi o‘rtoqlik o‘yinni 12-oktabr kuni Dubay shahrida BAA terma jamoasiga qarshi o‘tkazadi.Otabek Shukurov, futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)