O‘zbekiston milliy terma jamoasiga jalb etilgan ikki nafar futbolchi — Eldor Shomurodov va Hojiakbar Alijonov BAAga qarshi o‘rtoqlik uchrashuvini o‘tkazib yuboradi, deya xabar bermoqda O‘FA matbuot xizmati.
Qayd etilishicha, yaqinda “Jenoa” bilan shartnoma imzolagan Eldor Shomurodov Italiyada mehnat faoliyatiga ruxsat beruvchi viza masalalari sabab Toshkentda qolishga majbur bo‘lgan.
“Paxtakor” himoyachisi Hojiakbar Alijonov esa avvalgi jarohatlarining asorati sabab Eronga qarshi uchrashuvda o‘zini noqulay his qilgan. Terma jamoa murabbiylar shtabi va shifokorlari o‘zaro maslahatlashgan holda futbolchini jiddiy jarohatdan asrash uchun unga ta’til berishga va jarohatini to‘liq davolab olishga imkoniyat yaratishga qaror qilgan.
Eslatib o‘tamiz, O‘zbekiston va BAA o‘rtasidagi o‘rtoqlik o‘yini 12-oktabr kuni Dubay shahrida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)