Ispaniyalik mashhur xonanda va rossiyalik sportchining mana 20 yildirki munosabatlari yaxshi. Ammo bir-birini tushunib yashamagan va qadrlamaganlarida ularning aloqalari bunchalik uzoq davom etmasligi mumkin edi.
Hammasi 2001-yilda Anna Iglesiasning klipida suratga tushishga taklif qilinganidan keyin boshlangan. Oradan biroz vaqt o‘tganidan ularning ikkisi paparatssi nishonidan chetda qolmagan. Keyinchalik xonanda Annani bir ko‘rishda yoqtirib qolganini tan olgan.
Sariq matbuotda munosabatlari mavzuga aylanganidan keyin ko‘pchilik ular o‘rtasidagi aloqalar uzoqqa bormasligini taxmin qila boshlagan. Ammo unday bo‘lmagan, 2002-yilda juftlik MTV taqdirlash marosimiga birgalikda tashrif buyurgan. Shu yili OAV ular unashtirilgani haqida mish-mish tarqata boshlagan va bunga Annaning qo‘lidagi brilliant uzuk sabab bo‘lgan.
Keyinchalik unashtiruv uzugi o‘rniga nikoh uzugiga o‘xshash uzuk taqa boshlagani ham e’tibordan chetda qolmagan. Biroq keyinchalik ular bu hech nimani anglatmasligini ma’lum qilgan. Muxlislar esa mashhurlar o‘rtasidagi munosabatlarning davom etishiga umid qila boshlagan.
Munosabatlarini nikoh rishtasi bilan bog‘lamaganiga qaramay xonanda sevgisiga sodiq bo‘lgan. Intervyulardan birida u ota-onasi o‘rtasidagi munosabatlardan xulosa chiqargani va ulardek bo‘lmaslikka harakat qilishini ta’kidlagan. U onasining otasi xiyonatlaridan qiynalganiga guvoh bo‘lganidan keyin o‘ziga hech qachon yaqin insonlarini azoblamaslikka va’da berganini ta’kidlagan. Anna bilan munosabatlarining mustahkamligiga esa qizning donoligini sabab deb biladi.
“U yulduzlikdan yiroq, u bilan shunchaki uyda suhbat qurish yoki gamburger yeyish mumkin. Anna mening do‘stim”, — degan Enrike. Anna esa o‘z navbatida munosabatlarda sabrli bo‘lish kerakligi va qiyinchiliklarda ajrashishga oshiqish kerakmasligini ta’kidlagan.
Ularning munosabatlarida uyg‘unlik bor: juftlik yaxtada kezishi, Mayamidagi uyida kuchuklari bilan birga vaqt o‘tkazishi mumkin.
2017-yilda mashhurlar oilasida egizak farzandlar dunyoga kelgan. Kurnikova homiladorligini yashirgani sabab uning ona bo‘lishi hamma uchun shok bo‘lgan. Baxtli ekanini bildirgan Anna Enrike bilan ko‘p farzandli bo‘lishni orzu qilishini aytgan. Avvalroq esa baxtli juftlik yana bir marta ota-ona bo‘lish baxtiga muyassar bo‘lgan.
Izoh (0)