Hozirda koronavirus pandemiyasi munosabati bilan butun dunyoda e’lon qilingan karantinning foydasi haqida ko‘pchilik gapirmoqda. Karantinning eng asosiy ijobiy tomoni uning uyda, oila davrasida vaqt o‘tkazish imkonini berishidir. Jahon estradasi yulduzi Enrike Iglesias o‘z misolida oila va farzandlar bilan birga vaqt o‘tkazish qanday bo‘lishini ko‘rsatib berdi.
Foto: Instagram/@enriqueiglesias
Uch farzandning otasi Enrike o‘zining Instagram’dagi sahifasi orqali ikki yoshli o‘g‘li Nikolas bilan o‘ynayotgani aks etgan video bilan bo‘lishdi.
“Uyda vaqt o‘tkazishning eng yaxshi usuli. Kulgi va muhabbat”, — deya videorolikni izohlagan xonanda.
Enrike Iglesias va uning rafiqasi Anna Kurnikova ilk marta 2017-yilda egizaklarning ota-onasi bo‘lgan edi. 2020-yilning yanvarida juftlikning oilasida qiz farzand dunyoga keldi. Enrike va Anna qizchaga Masha deb ism qo‘ygan.
