Севги тарихи: Жаҳон юлдузи Энрике Иглесиас ва россиялик спортчи Анна Курникова қандай танишган?

Испаниялик машҳур хонанда ва россиялик спортчининг мана 20 йилдирки муносабатлари яхши. Аммо бир-бирини тушуниб яшамаган ва қадрламаганларида уларнинг алоқалари бунчалик узоқ давом этмаслиги мумкин эди.

Ҳаммаси 2001 йилда Анна Иглесиаснинг клипида суратга тушишга таклиф қилинганидан кейин бошланган. Орадан бироз вақт ўтганидан уларнинг иккиси папарацци нишонидан четда қолмаган. Кейинчалик хонанда Аннани бир кўришда ёқтириб қолганини тан олган.

Сариқ матбуотда муносабатлари мавзуга айланганидан кейин кўпчилик улар ўртасидаги алоқалар узоққа бормаслигини тахмин қила бошлаган. Аммо ундай бўлмаган, 2002 йилда жуфтлик МТV тақдирлаш маросимига биргаликда ташриф буюрган. Шу йили ОАВ улар унаштирилгани ҳақида миш-миш тарқата бошлаган ва бунга Аннанинг қўлидаги бриллиант узук сабаб бўлган.

Кейинчалик унаштирув узуги ўрнига никоҳ узугига ўхшаш узук тақа бошлагани ҳам эътибордан четда қолмаган. Бироқ кейинчалик улар бу ҳеч нимани англатмаслигини маълум қилган. Мухлислар эса машҳурлар ўртасидаги муносабатларнинг давом этишига умид қила бошлаган.

Муносабатларини никоҳ риштаси билан боғламаганига қарамай хонанда севгисига содиқ бўлган. Интервьюлардан бирида у ота-онаси ўртасидаги муносабатлардан хулоса чиқаргани ва улардек бўлмасликка ҳаракат қилишини таъкидлаган. У онасининг отаси хиёнатларидан қийналганига гувоҳ бўлганидан кейин ўзига ҳеч қачон яқин инсонларини азобламасликка ваъда берганини таъкидлаган. Анна билан муносабатларининг мустаҳкамлигига эса қизнинг донолигини сабаб деб билади.

«У юлдузликдан йироқ, у билан шунчаки уйда суҳбат қуриш ёки гамбургер ейиш мумкин. Анна менинг дўстим», — деган Энрике. Анна эса ўз навбатида муносабатларда сабрли бўлиш кераклиги ва қийинчиликларда ажрашишга ошиқиш керакмаслигини таъкидлаган.

Уларнинг муносабатларида уйғунлик бор: жуфтлик яхтада кезиши, Майамидаги уйида кучуклари билан бирга вақт ўтказиши мумкин.

2017 йилда машҳурлар оиласида эгизак фарзандлар дунёга келган. Курникова ҳомиладорлигини яширгани сабаб унинг она бўлиши ҳамма учун шок бўлган. Бахтли эканини билдирган Анна Энрике билан кўп фарзандли бўлишни орзу қилишини айтган. Аввалроқ эса бахтли жуфтлик яна бир марта ота-она бўлиш бахтига муяссар бўлган.