O‘zbekiston terma jamoasi o‘rtoqlik uchrashuvida Eronga imkoniyatni boy berib qo‘ydi (1:2).
Uchrashuvning 53-daqiqasida Eldor Shomurodov eronliklar darvozasini ishg‘ol qildi. Bu Eron darvozasiga Toshkentda urilgan ilk gol bo‘lib tarixga kirdi.
Bunga qadar “oq bo‘rilar” forslar darvozasi tomon ikki bor yo‘l topgan va ularning ikkisi ham Erondagi o‘yinda ro‘y bergandi. Shuningdek, Shomurodov Eron darvozasini ishg‘ol eta olgan tarixdagi ikkinchi o‘zbekistonlik futbolchi bo‘ldi. 2012-yilda Ulug‘bek Baqoyev tarixda ilk bor O‘zbekiston terma jamoasi safida Eronga gol urgandi. Osiyo Kubogi—2007 musobaqasida Eron darvozasi avtogol evaziga ishg‘ol etilgandi.
Bu o‘yin O‘zbekiston va Eron terma jamoalari o‘rtasidagi o‘zaro 10-to‘qnashuv bo‘ldi. Ularning 8 tasi forslarning g‘alabasi bilan tugagan bo‘lsa, bir martadan durang va O‘zbekistonning g‘alabasi qayd etilgan. To‘plar nisbati — 3:11 Eron foydasiga.
Shu tariqa Shomurodov O‘zbekiston terma jamoasi safidagi 44-o‘yinida 21-golini urdi. Terma jamoaning eng yaxshi to‘purari Maksim Shatskix (34 gol) hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)