Чехиянинг «Богемианс» клуби президенти Антонин Паненкада коронавирус аниқланди. Бу ҳақда клуб матбуот хизмати хабар бермоқда.
Қайд этилишича, ҳозирда унинг аҳволи оғир ва жонлантириш бўлимида сақланмоқда.
Маълумот учун, 71 ёшли Паненка 1976 йилги Европа чемпионатининг финал учрашувидан кейинги пенальтилар сериясидаги машҳур зарбаси орқали машҳурликка эришган. Ўшанда у тўпни «парашют» усулида дарвоза марказига жойлаб қўйиб, жамоасига қитъа чемпионатининг олтин медалларини қўлга киритишда ёрдам берганди.
Шундан бери 11-метрлик зарбаларни шу тарзда ижро этиш «паненка» услуби деб аталади. Клубдаги фаолиятида эса Антонин «Богемианс», «Рапид», «Санкт-Пёлтен», «Слован», «Хоэнау» каби жамоаларда тўп сурган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)