“Manchester Yunayted”ning yangi hujumchisi Edinson Kavani “qizil iblislar” bilan shartnoma imzolashdan oldin faoliyatini tugatish haqida o‘ylaganini tan oldi.
Men uchun oilamning sog‘lig‘i birinchi o‘rinda turadi. Albatta, men futboldan voz kechish haqida o‘yladim. Menda futbolni yig‘ishtirish va qishloqda qolib, o‘zimni qishloq hayotiga bag‘ishlash imkoniyati bor edi. Oilam bilan koronavirusni boshdan o‘tkazdik. Haqiqat shundaki, biz uning qaytalanishidan qo‘rqardik. Yaxshiki, barchamiz undan eson-omon o‘tib oldik va hozir hammasi joyida.Urugvaylik futbolchi ingliz klubi bilan “1+1” ko‘rinishidagi shartnoma imzoladi. Kavani yangi jamoasida 7-raqam ostida harakat qiladi.Xavotir fikrlaringizga ta’sir o‘tkaza boshlashi odatiy holdir. Klublar takliflar berishni boshladi va men o‘zimga yangi jamoa topmoqchi ekanligimni angladim. Hayotdagi barcha voqealar sodir bo‘lishi kerak bo‘lgan vaqtda amalga oshishiga ishonaman. Va ba’zida siz biron bir narsani qanchalik kuchli xohlasangiz ham bu sodir bo‘lmaydi. Ko‘p noaniqlik va xavotir bor edi, kunlar o‘tardi, atrofimdagilar esa qayerda o‘ynashimni bilmoqchi edi. Hozir “Manchester Yunayted”daman va barcha bundan mamnun.
Edinson Kavani, futbolchi
Avvalroq Edinson “Manchester Yunayted”da yiliga 10 million yevrodan ko‘p maosh olishi xabar qilingandi.
2013—2020-yillar mobaynida PSJ safida to‘p tepgan Kavani parijliklar bilan 6 marta Fransiya chempioniga aylandi va jamoa safida 200 ta gol urishga erishdi.
Izoh (0)