«Манчестер Юнайтед»нинг янги ҳужумчиси Эдинсон Кавани «қизил иблислар» билан шартнома имзолашдан олдин фаолиятини тугатиш ҳақида ўйлаганини тан олди.
Мен учун оиламнинг соғлиғи биринчи ўринда туради. Албатта, мен футболдан воз кечиш ҳақида ўйладим. Менда футболни йиғиштириш ва қишлоқда қолиб, ўзимни қишлоқ ҳаётига бағишлаш имконияти бор эди. Оилам билан коронавирусни бошдан ўтказдик. Ҳақиқат шундаки, биз унинг қайталанишидан қўрқардик. Яхшики, барчамиз ундан эсон-омон ўтиб олдик ва ҳозир ҳаммаси жойида.Уругвайлик футболчи инглиз клуби билан «1+1» кўринишидаги шартнома имзолади. Кавани янги жамоасида 7-рақам остида ҳаракат қилади.Хавотир фикрларингизга таъсир ўтказа бошлаши одатий ҳолдир. Клублар таклифлар беришни бошлади ва мен ўзимга янги жамоа топмоқчи эканлигимни англадим. Ҳаётдаги барча воқеалар содир бўлиши керак бўлган вақтда амалга ошишига ишонаман. Ва баъзида сиз бирон бир нарсани қанчалик кучли хоҳласангиз ҳам бу содир бўлмайди. Кўп ноаниқлик ва хавотир бор эди, кунлар ўтарди, атрофимдагилар эса қаерда ўйнашимни билмоқчи эди. Ҳозир «Манчестер Юнайтед»даман ва барча бундан мамнун.
Эдинсон Кавани, футболчи
Аввалроқ Эдинсон «Манчестер Юнайтед»да йилига 10 миллион евродан кўп маош олиши хабар қилинганди.
2013—2020 йиллар мобайнида ПСЖ сафида тўп тепган Кавани парижликлар билан 6 марта Франция чемпионига айланди ва жамоа сафида 200 та гол уришга эришди.
Изоҳ (0)