Qashqadaryo viloyatida Nexia avtomobili boshqaruvini yo‘qotishi oqibatida yo‘l-transport hodisasi sodir qildi, deya xabar bermoqda Tergov departamenti.
Ma’lum qilinishicha, 2020-yilning 5-oktabr kuni soat 17:00 da 33 yoshli A.S. o‘zining boshqaruvidagi Nexia rusumli avtomashinasini Qarshi tumanidan Nishon tumaniga qarab boshqarib borayotib, 4R-89 raqamli Qarshi–Nishon–Talimarjon avtomobil yo‘lining 8-kilometriga kelganida avtomashina boshqaruvini yo‘qotgan.
Natijada avtomobil yo‘lning o‘ng tomoniga chiqib ketib, ag‘darilib yo‘l-transport hodisasi sodir qilgan.
Oqibatda avtomashina yo‘lovchisi 54 yoshli M.O. olgan tan shikasti natijasida hodisa sodir bo‘lgan joyda vafot etgan, yo‘lovchilar 58 yoshli B.X. va 54 yoshli A.E. og‘ir tan shikasti bilan Respublika shoshilinch tez yordam ilmiy markazi Qashqadaryo filialining jonlantirish bo‘limiga yotqizilgan, biroq ko‘rsatilgan tibbiy muolajalariga qaramasdan shu kuni vafot etgan.
https://youtu.be/rqcbEM1_LKQ
Mazkur holat yuzasidan Qarshi tuman IIB huzuridagi Tergov bo‘limi boshlig‘i tomonidan Jinoyat kodeksining 266-moddasi 3-qismi “a” bandi bilan (transport vositalari harakati yoki ulardan foydalanish xavfsizligi qoidalarini buzish odamlar o‘limiga sabab bo‘lsa) jinoyat ishi qo‘zg‘atilgan. Ushbu jinoyat ishi Qashqadaryo viloyat IIB huzuridagi Tergov boshqarmasi ish yurituviga olingan.
Mavzuga doir:
- Yangiyo‘lda begonaga tegishli avtomobilda ikki piyoda urib ketib, voqea joyidan qochgan 18 yoshli fuqaro qo‘lga olindi
- Surxondaryoda Nexia avtobus bilan to‘qnashishi oqibatida 21 yoshli haydovchi va mashina ichidagi yo‘lovchi vafot etdi
- Toshkentda haydovchilik guvohnomasi bo‘lmagan 16 yoshli qiz sodir etgan YTH oqibatida 14 yoshli bola vafot etdi
Izoh (0)